DIE komitee van die Groter Oudtshoorn Toerisme (GOT) gaan eers dié maand ‘n gedetailleerde evaluering van die organisasie en sy bemarkingsbehoeftes doen voordat die pos van bemarker geadverteer word, sê die voorsitter van die GOT, mnr Pieter van Eck.

Oudtshoorn het sedert die begin van September nie meer ‘n toerismebemarker nie nadat die vyfjaarkontrak van die GOT met mnr Cyril Clarke verval het. Clarke, wie se kontrak einde Junie verstryk het, het op versoek van die komitee tot einde Augustus aangebly in die pos.

Volgens Van Eck wil die GOT ook September, die amptelike Toerismemaand, vier met ‘n opwindende kompetisie, die Hospitality Personality Awards. Lede van die GOT sal hul topperso­neellede vir dié kompetisie kan nomineer waarin tussen R8 000 en R10 000 gewen sal kan word.

This entry was posted on Thursday, September 2nd, 2010 at 2:08 pm and is filed under Nuus, Toerisme / Tourism. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.