’n Afvaardiging uit die Oekraïene het Ladismith, Vanwyksdorp, Calitzdorp en Oudtshoorn die week as deel van ’n studiebesoek aan die Eden Distrik aangedoen. Hulle besoek ook nog onder meer George en Wildernis. Hier Dinsdagaand by ’n onthaal by Buffelsdrift was van links mnr Oleksandr Korinnyi (burgemeester van Novoukzainka), me Maria Vynnytska wat as tolk opgetree het, en mnre Gordon April (burgemeester van die Groter Oudtshoorn) en Pavlo Kozyrev (burgemeester van Ukrainka).
