info@hoorn.co.za
044 272 5605
SMS: 073 217 7089
Facebook Besoek ons op facebook

Argief vir die ‘Foto’s’ Kategorie


70+B Bekerspan Wen

Thursday, April 17th, 2014
Die 70+B Bekerspan van die SWD Seniors Tennisvereniging wat verlede week in Pretoria aan die 25ste Interprovinsiale Seniorstennistoernooi van die SA Senior Tennisvereniging deelgeneem het, het al sy wedstryde gewen waarvoor die lede van die span Vrydagaand in die Voortrekker Monument se amfiteater elkeen ’n goue medalje ontvang het. Mnr Jimmy Livingstone (middel) het die medaljes oorhandig aan die spanlede, van links Callie Matthee van Stilbaai, Christa Lategan, Elmarie Lategan (kapt) en Garnett Wicomb, almal van die Wesbank Tennisklub op Oudtshoorn. Die span van Boland was die naaswenners.

Die 70+B Bekerspan van die SWD Seniors Tennisvereniging wat verlede week in Pretoria aan die 25ste Interprovinsiale Seniorstennistoernooi van die SA Senior Tennisvereniging deelgeneem het, het al sy wedstryde gewen waarvoor die lede van die span Vrydagaand in die Voortrekker Monument se amfiteater elkeen ’n goue medalje ontvang het.  Mnr Jimmy Livingstone (middel) het die medaljes oorhandig aan die spanlede, van links Callie Matthee van Stilbaai, Christa Lategan, Elmarie Lategan (kapt) en Garnett Wicomb, almal van die Wesbank Tennisklub op Oudtshoorn. Die span van Boland was die naaswenners.

Vrydag en Saterdag: Laat sny en kleur jou hare vir Kansa!

Thursday, February 27th, 2014
Inwoners van Oudtshoorn kan op Vrydag en Saterdag (28 Februarie en 1 Maart) hul steun wys vir Kansa en hul hare by Checkers laat kleur of skeer tydens die jaarlikse Kansa Shavaton. Hier in vrolike bui die week is Dale Whitehead van Kansa (regs) en personeel van Checkers, van links Louwrens Störm, Mario McCarthy (bestuurder) en Patrick Szucs. Dit kos R50 vir volwassenes en R25 vir kinders jonger as 12 jaar om jou hare te laat skeer of kleur. Mense kan ook poniesterte vir Kansa skenk waarvan pruike gemaak kan word vir kankerpasiënte. As jy ’n poniestert wil skenk, moet die hare ten minste 22 cm lank wees en skoon en droog wees.

Inwoners van Oudtshoorn kan op Vrydag en Saterdag (28 Februarie en 1 Maart) hul steun wys vir Kansa en hul hare by Checkers laat kleur of skeer tydens die jaarlikse Kansa Shavaton. Hier in vrolike bui die week is Dale Whitehead van Kansa (regs) en personeel van Checkers, van links Louwrens Störm, Mario McCarthy (bestuurder) en Patrick Szucs. Dit kos R50 vir volwassenes en R25 vir kinders jonger as 12 jaar om jou hare te laat skeer of kleur. Mense kan ook poniesterte vir Kansa skenk waarvan pruike gemaak kan word vir kankerpasiënte. As jy ’n poniestert wil skenk, moet die hare ten minste 22 cm lank wees en skoon en droog wees.

Thursday, February 6th, 2014
Die ou moddersteenhuis waarin van die klaskamers van die Wesbank Pre-primêre Skool op Oudtshoorn gevestig is, is die week afgekamp nadat van die mure verlede Vrydag ingestort het. Die ou huis sal nou gesloop en nuwe klaskamers gebou moet word.

Die ou moddersteenhuis waarin van die klaskamers van die Wesbank Pre-primêre Skool op Oudtshoorn gevestig is, is die week afgekamp nadat van die mure verlede Vrydag ingestort het. Die ou huis sal nou gesloop en nuwe klaskamers gebou moet word.

Thursday, January 30th, 2014
Die rolprentmaker Jans Rautenbach (78) praat met intense emosie oor die film Abraham wat tans in die omgewing van De Rust verfilm word. By Rautenbach staan Riku Lätti wat die oorspronklike musiek vir die rolprent gekomponeer het en die kunstenaar Wendy Malan wat as kunsregisseur vir die rolprent optree. Die Absa KKNK het verlede Donderdag lede van die media op ’n toer na verskeie uniekhede van die Klein Karoo geneem, onder meer na dié terrein waar ’n vaalgeel huisie deur Malan vir die karakter Abraham geskep is en verfilming van die rolprent geskied. Abraham is Rautenbach se eerste rolprent in 30 jaar en word in September uitgereik. Die mediatoer het deel uitgemaak van die bekendstelling van die 20ste Absa KKNK wat 29 Maart tot 5 April 2014 op Oudtshoorn plaasvind.Foto: Liesel le Roux

Die rolprentmaker Jans Rautenbach (78) praat met intense emosie oor die film Abraham wat tans in die omgewing van De Rust verfilm word. By Rautenbach staan Riku Lätti wat die oorspronklike musiek vir die rolprent gekomponeer het en die kunstenaar Wendy Malan wat as kunsregisseur vir die rolprent optree. Die Absa KKNK het verlede Donderdag lede van die media op ’n toer na verskeie uniekhede van die Klein Karoo geneem, onder meer na dié terrein waar ’n vaalgeel huisie deur Malan vir die karakter Abraham geskep is en verfilming van die rolprent geskied. Abraham is Rautenbach se eerste rolprent in 30 jaar en word in September uitgereik. Die mediatoer het deel uitgemaak van die bekendstelling van die 20ste Absa KKNK wat 29 Maart tot 5 April 2014 op Oudtshoorn plaasvind.
Foto: Liesel le Roux

Thursday, January 30th, 2014
Die kantore van die Eden Sportakademie by die De Jager Sportkompleks op Oudtshoorn is Saterdag amptelik in gebruik geneem. Die opening is waargeneem deur adv Lyndon Bouah (derde van regs), hoofdirekteur van die WesKaapse Departement van Sport en Rekreasie, en me Lea Stalmeester (naasregs), raadslid van Oudtshoorn. By hulle is van links mnre Ian Laubscher, sportbeampte by die Oudtshoorn Munisipaliteit, Abrie de Swardt, bestuurder van die Eden Sportakademie, Goliath Munro, voorsitter van die Eden Sportraad, en Llewellyn Coetzee, kooperatiewe bestuurder van die Oudtshoorn Munisipaliteit. Tydens Saterdagoggend is sportlui ook formeel toegelaat tot die akademie.

Die kantore van die Eden Sportakademie by die De Jager Sportkompleks op Oudtshoorn is Saterdag amptelik in gebruik geneem. Die opening is waargeneem deur adv Lyndon Bouah (derde van regs), hoofdirekteur van die WesKaapse Departement van Sport en Rekreasie, en me Lea Stalmeester (naasregs), raadslid van Oudtshoorn. By hulle is van links mnre Ian Laubscher, sportbeampte by die Oudtshoorn Munisipaliteit, Abrie de Swardt, bestuurder van die Eden Sportakademie, Goliath Munro, voorsitter van die Eden Sportraad, en Llewellyn Coetzee, kooperatiewe bestuurder van die Oudtshoorn Munisipaliteit. Tydens Saterdagoggend is sportlui ook formeel toegelaat tot die akademie.

Gimmies kyk gimkana

Thursday, January 30th, 2014
Drie leerders van Langenhoven Gimnasium wat lid van die Beaufort-Wes Gimkanaklub is, het Vrydag ’n gimkanavertoning op hul skool se rugbyveld gelewer om dié perdesport onder hul medeleerders bekend te stel. Die drie is Johan Strydom, wat vir die Protea-seunsspan gekies is, sy suster, Chrismarie wat vir die SA o.14-meisiesspan gekies is, en GW Lund.

Drie leerders van Langenhoven Gimnasium wat lid van die Beaufort-Wes Gimkanaklub is, het Vrydag ’n gimkanavertoning op hul skool se rugbyveld gelewer om dié perdesport onder hul medeleerders bekend te stel. Die drie is Johan Strydom, wat vir die Protea-seunsspan gekies is, sy suster, Chrismarie wat vir die SA o.14-meisiesspan gekies is, en GW Lund.

Friday, December 13th, 2013
Daar was die afgelope naweek groot steun uit Oudtshoorn vir die Portugese span wat aan die Internasionale Rugbyraad se sewestoernooi in Port Elizabeth deelgeneem het. Die Marques-, De Nobrega- en Da Achada-families het saam ’n bus gehuur om die Portugese span te gaan ondersteun! Hier is 22 van die 30 vrolike Portugese ondersteuners met die groot banier wat hulle gemaak het. Drie van die groep van 30 was van George en die ander almal van Oudtshoorn.

Daar was die afgelope naweek groot steun uit Oudtshoorn vir die Portugese span wat aan die Internasionale Rugbyraad se sewestoernooi in Port Elizabeth deelgeneem het. Die Marques-, De Nobrega- en Da Achada-families het saam ’n bus gehuur om die Portugese span te gaan ondersteun! Hier is 22 van die 30 vrolike Portugese ondersteuners met die groot banier wat hulle gemaak het. Drie van die groep van 30 was van George en die ander almal van Oudtshoorn.

Jippie! Dis vakansie!

Thursday, December 5th, 2013
Uitgelate graad sewes van die Laerskool Wesbank wys hul vreugde gister - die laaste skooldag van die jaar en hul laaste skooldag as laerskoolleerders - oor die somervakansie wat voorlê!

Uitgelate graad sewes van die Laerskool Wesbank wys hul vreugde gister – die laaste skooldag van die jaar en hul laaste skooldag as laerskoolleerders – oor die somervakansie wat voorlê!

Sportvrou 2013

Thursday, November 28th, 2013
Marnazelle Rabie

Marnazelle Rabie, wat gisteraand as Oudtshoorn se Sportvrou van die Jaar aangewys is in die banketsaal van die Oudtshoorn Burgersentrum. Sy is heelagter van die Springbok-vrouerugbyspan wat in Junie aan die Viernasiestoernooi in Amerika deelgeneem het. Marnazelle, lid van die SWD Eagirls se vyftien- en sewesrugbyspanne, het ook vir die Springbokspan teen Uganda gespeel.

Thursday, November 14th, 2013
Brumilda van Biljohn

Jade Coetzee, matriekleerder van die Hoërskool Oudtshoorn, is Saterdagaand op Oudtshoorn as Mej Eden FM Oudtshoorn aangewys. Sy en haar twee prinsesse neem nou op 6 Desember aan die eindronde van die kompetisie op George deel. Hier is die wenners en finaliste Saterdagaand. Middel voor is Jade, en staande van links Johané Smalberger; Leché Stuurman, mes Juline Jaftha (organiseerder), N James (hulp), Meiko Jaftha (eerste prinses, Haylene Prins (Mej Persoonlikheid), me Shirley Erasmus (organiseerder), Jeanné Kortje (tweede prinses), Bernalee Barnard, Shanry Trimm, Bernalee Claassen, Imorey Atkinson en Brumilda van Biljohn.
Foto: Awie Hendricks

Thursday, November 7th, 2013
Toy is wêreld se beste in 400 meter! Toy Ungerer het vanjaar weer nie net Oudts-hoorn nie, maar Suid-Afrika se naam hoog gehou by die Wêreldmeesters-atletiekkampioenskap wat van 16 tot 26 Oktober in Porte Allegre in Brasilië plaasgevind het! Sy het die goue medalje in die 400 m vir vroue 65+ by die kampioenskap gewen en is nou amptelik die wêreldkampioen in die 400 m vir vroue  65+. Altesame 56 meestersatlete van Suid-Afrika het in winderige en nat weersomstandighede aan die kampioenskap deelgeneem. Uit die 82 lande wat deelgeneem, het Suid-Afrika die sewende plek behaal met 33 goue,19 silwer en 24 brons medaljes. Nog ’n SWD-atleet, Heleen Knobel (48) van die Laingsburgdistrik, het presteer. Heleen het vier Suid-Afrikaanse rekords verbeter en het ’n goue medalje, twee silwer medaljes en een brons me­dalje by die wêreldkampioenskap gewen.

Toy is wêreld se beste in 400 meter!
Toy Ungerer het vanjaar weer nie net Oudts-hoorn nie, maar Suid-Afrika se naam hoog gehou by die Wêreldmeesters-atletiekkampioenskap wat van 16 tot 26 Oktober in Porte Allegre in Brasilië plaasgevind het! Sy het die goue medalje in die 400 m vir vroue 65+ by die kampioenskap gewen en is nou amptelik die wêreldkampioen in die 400 m vir vroue 65+. Altesame 56 meestersatlete van Suid-Afrika het in winderige en nat weersomstandighede aan die kampioenskap deelgeneem. Uit die 82 lande wat deelgeneem, het Suid-Afrika die sewende plek behaal met 33 goue,19 silwer en 24 brons medaljes. Nog ’n SWD-atleet, Heleen Knobel (48) van die Laingsburgdistrik, het presteer. Heleen het vier Suid-Afrikaanse rekords verbeter en het ’n goue medalje, twee silwer medaljes en een brons me­dalje by die wêreldkampioenskap gewen.

Thursday, October 31st, 2013
Millenniumpark neem nuwe vleuel in gebruik Millenniumpark, aftreeoord op Oudtshoorn, se versorgingseenheid het ’n pragtige nuwe vleuel bygekry wat verlede Woensdag geopen is. Hier van links staan mnr Kosie Esterhuyse (bestuurder van Millenniumpark), sr Maree Müller (suster in beheer van die versorgingseenheid), me Christine Nelson (bestuursraadlid verantwoordelik vir die versorgingseenheid) en mnr Errol Nelson (voorsitter van die bestuursraad) in een van die kamers. Die nuwe vleuel spog met agt nuwe beddens wat onder meer twee enkelkamers insluit, terwyl die verpleegsterskamer ook vergroot is.

Millenniumpark neem nuwe vleuel in gebruik
Millenniumpark, aftreeoord op Oudtshoorn, se versorgingseenheid het ’n pragtige nuwe vleuel bygekry wat verlede Woensdag geopen is. Hier van links staan mnr Kosie Esterhuyse (bestuurder van Millenniumpark), sr Maree Müller (suster in beheer van die versorgingseenheid), me Christine Nelson (bestuursraadlid verantwoordelik vir die versorgingseenheid) en mnr Errol Nelson (voorsitter van die bestuursraad) in een van die kamers. Die nuwe vleuel spog met agt nuwe beddens wat onder meer twee enkelkamers insluit, terwyl die verpleegsterskamer ook vergroot is.

Thursday, October 24th, 2013
'n Boer maak 'n Plan

Sleepwa word brug tydens fietsren
As dit nie vir mnr Skillie Pretorius van die Besemkop Wildreservaat noordoos van Calitzdorp se vindingrykheid was nie, kon deelnemers aan die Bridge Cape Pioneer Trek tydens die tweede skof van dié multiskofbergfietsren teëspoed opgetel het. Pretorius sê met die goeie reën wat Maandag oor die Swartberge noord van Besemkop uitgesak het, het hy besef dat ’n riviertjie wat deur die reservaat vloei, gaan afkom. Met die waarde wat die Cape Pioneer Trek vir onder meer Oudtshoorn, Calitzdorp en De Rust inhou, het hy besluit hy wil seker maak dat die deelnemers nie probleme ondervind nie. Hy het ’n groot sleepwa by Louis (Kwessie) Fourie geleen. Nadat hy die voorste reling van die wa met ’n hoekslyper afgesny het, het hy dit met ’n trekker na die rivier gesleep en dit afgehaak in die middel van die rivier, wat in daardie stadium op plekke 1,5 meter diep was en vinnig gevloei het! Hy het die kante van die wa vir opritte aan die voor- en agterkant van die wa gebruik. Die fietsryers kon toe sonder om nat te raak oor die rivier ry. Mnr Henco Rademeyer, hoofwedrenbeampte, het Pretorius bedank dat hy die fietsryers se veiligheid op die hart gedra het.

Thursday, October 24th, 2013
A former resident of Oudtshoorn and a pioneer in the development of the Bongolethu Cricket Club in Oudtshoorn, Herschell Gutman, was voted best European coach for the year by the International Cricket Council (Europe). According the SWD Cricket CEO, Albertus Kennedy, Gutman was employed as the first development and coach coordinator as part of the province Black African player development program when Bongolethu Cricket Club was established in September 2008. “He was passionate in promoting the game in the township and made a significant contribution in the establishment of the club. He left the club in 2009 when he was appoin-ted to the Israel Cricket Association. “We are proud of him and would like to congratulate him on his achievement,” Kennedy said.

A former resident of Oudtshoorn and a pioneer in the development of the Bongolethu Cricket Club in Oudtshoorn, Herschell Gutman, was voted best European coach for the year by the International Cricket Council (Europe). According the SWD Cricket CEO, Albertus Kennedy, Gutman was employed as the first development and coach coordinator as part of the province Black African player development program when Bongolethu Cricket Club was established in September 2008. “He was passionate in promoting the game in the township and made a significant contribution in the establishment of the club. He left the club in 2009 when he was appoin-ted to the Israel Cricket Association. “We are proud of him and would like to congratulate him on his achievement,” Kennedy said.

Thursday, October 17th, 2013
Meiringspoort Halfmarathon

Verlede Saterdag se 21ste Meiringspoort Halfmarathon kan nie net met ’n rekordgetal deelnemers spog nie, maar ’n mens sal ook ver moet soek om ’n wedloop met ’n mooier roete en geselliger atmosfeer te vind. Hier wys Jeanette Oberem (dit was haar eerste halfmarathon) en Henri Conradie, albei van Port Elizabeth, hoe lekker dit is om in die skilderagtige Meiringspoort aan ’n halfmarathon deel te neem!
Foto: Schalk le Roux

Friday, October 11th, 2013
Brumilda van Biljohn

Die deelnemers aan die Oudtshoorn-been van Mej Eden FM het verlede Saterdag (5 Oktober) verskeie toerismebesienswaardighede buite en in Oudtshoorn besoek. Hier is hulle by die Boulders Lodge en Spa. Voor van links is Meiko Jaftha, Haylene Prins, Jade Coetzee, Brumilda van Biljohn, Leché Stuurman en Jeanné Kortjé. Agter van links is Johané Smalberger, Berna-Lee Barnard, Imoré Atkinson, Jamey-Lee Prins, Shandre Trimm, Beaulene Claassen en die organiseerders mes Shirley Erasmus en Juline Jaftha. Die Oudtshoorn-wenner word op 9 November aangewys en die Suid-Kaap-wenners op 30 November in George.

Friday, October 11th, 2013
Opening van Die Lighuis

Dr Ivan Meyer, Wes-Kaapse Minister van Kultuursake en Sport, het verlede Vrydag by die opening van Die Lighuis in Bridgton onder groot belangstelling aan die kleingoed van dié nasorgsentrum aan die hand van ’n fiets verduidelik hoe ’n skool werk en hoe belangrik dit is dat hulle hul bes moet probeer om ’n sukses van hul skoolloopbaan te maak. Tydens die opening van Die Lighuis, waar ’n groep leerders elke dag ná skool onder meer met huiswerk bygestaan word, ’n bord kos kry en konstruktief besig gehou word, was dr Meyer vol lof vir die inisiatief om die sentrum op die been te bring. Stephan Rossouw, wat ten nouste by die sentrum betrokke is, het gesê die doel van die sentrum is onder meer om die leerders te bemagtig en aan hulle vooruitsigte op ’n beter lewe te gee.

Friday, October 11th, 2013
Klein Karoo Straatmyl

Die nuwe roete vir die Klein Karoo Straatmyl wat in Desember as deel van die Oudtshoorn Vakansieatletiek- en Straatmylbyeenkoms plaasvind, is gister geloods met Ettiene Plaatjies wat ’n baie vinnige tyd van 4 min gehardloop het. Die roete strek van Kleinplaas tot by die CP Nel Museum. Hier is Ettiene (middel) saam met Gershwill Jacobs (2de in 4:14, links) en Francois Maqassa van die Hoërskool Môrester wat ook die eerste junior was (4:28). Vanjaar se vakansie-atletiek vind op 16 Desember plaas.

Rooi posbus kry voete

Thursday, September 26th, 2013
EN nou is een van die Oudtshoorn Poskantoor se posbusse ook soek! Die Oudtshoorn Polisie is op soek na inligting oor ’n rooi poskantoor-posbus wat die nag van 17/18 September op die hoeke van Corrigan- en Scheepersstraat op Oudtshoorn gesteel is. Enige iemand met inligting oor die diefstal word versoek om s/ao Werner Lategan te skakel by tel 044 203 9179.

EN nou is een van die Oudtshoorn Poskantoor se posbusse ook soek!
Die Oudtshoorn Polisie is op soek na inligting oor ’n rooi poskantoor-posbus wat die nag van 17/18 September op die hoeke van Corrigan- en Scheepersstraat op Oudtshoorn gesteel is.
Enige iemand met inligting oor die diefstal word versoek om s/ao Werner Lategan te skakel by tel 044 203 9179.

 

 

Thursday, September 26th, 2013
Breyten Paulse, gewilde oud-Springbokrugbyspeler en TV-rugbyaanbieder, was Dinsdagaand die gasspreker by Agri Klein Karoo se Plaaswerker van die Jaar-toekennings by Highgate buite Oudtshoorn. Hier staan Paulse by mnr Ernst Hardien van Amalienstein Boerdery wat as Plaaswerker van die Jaar 2013 aangewys is. Paulse het aan teenwoordiges vertel hoe hy as plaasseun grootgeword het, en dat hy dit vir niks op aarde sal verruil nie. Hy het gesê as mense iets negatiefs oor plaaswekers sê, voel hy sommer lus om hom met die vuis by te dam. Hy het ook die plaaswerkers aangemoedig om altyd ’n droom te hê en hard te werk om dit te verwesentlik.

Breyten Paulse, gewilde oud-Springbokrugbyspeler en TV-rugbyaanbieder, was Dinsdagaand die gasspreker by Agri Klein Karoo se Plaaswerker van die Jaar-toekennings by Highgate buite Oudtshoorn. Hier staan Paulse by mnr Ernst Hardien van Amalienstein Boerdery wat as Plaaswerker van die Jaar 2013 aangewys is. Paulse het aan teenwoordiges vertel hoe hy as plaasseun grootgeword het, en dat hy dit vir niks op aarde sal verruil nie. Hy het gesê as mense iets negatiefs oor plaaswekers sê, voel hy sommer lus om hom met die vuis by te dam. Hy het ook die plaaswerkers aangemoedig om altyd ’n droom te hê en hard te werk om dit te verwesentlik.

Copyright © :: DIE HOORN • Internet marketing by FAQ