Die nuwe bestuur van die Klein Karoo Voetslaanklub is agter van links Danie Steyl (voorsitter), Wessel Steyl (tesourier), en Frikkie Lotz (onder-voorsitter). Voor van links sit Anneke Botes (bykomende lid), Cara Maree (sekretaresse) en Nanie Janse van Rensburg (bykomende lid).

Die adjunk-president van Suid-Afrika, mnr Kgalema Motlanthe, het Oudtshoorn Saterdag besoek vir die Wes-Kaapse been van die ANC se 100 jaar-vieringe. Hier is Motlanthe op die Bridgton Sportgronde waar die verrigtinge plaasgevind het. Links van hom is Oudtshoorn se uitvoerende burgemeester, mnr Gordon April.

Oeps! Dié Huyandai Tuscan, wat Saterdag op Oudtshoorn was vir die provinsiale 100 jaarvieringe van die ANC, het kort ná 16:00 van die parkeerterrein van die nuwe Pearl of Oudtshoorn op die sypaadjie beland. Volgens sers Gretchen Michaels van die Oudtshoorn Polisie het die bestuurder gesê hy het beheer oor die voertuig verloor toe hy dit wou parkeer. Niemand is beseer nie en die Polisie ondersoek volgens Michaels geen klag nie.

40 jaar lank geneesheer! Dr. Adam BarnardDr Adam Barnard van Oudtshoorn het op 8 Desember 'n belangrike mylpaal bereik. Hy was op dié dag 40 jaar lank mediese dokter. Barnard, hier in sy spreekkamer, het aan die Universiteit van Stellenbosch gegradueer en op 8 Desember 1961 by die Ernest Openheimer Hospitaal in Welkom begin werk. Daarvandaan is hy na Marydale naby Prieska en in 1964 het hy op Oudtshoorn begin werk. Barnard en sy vrou, Freda, is net die dag nadat hy as dokter begin werk het, getroud en het dus op 9 Desember hul 40ste troudag gevier!

Me Katy Britz van Oudtshoorn was een van 34 sportlegendes in die Wes-Kaap wat op 15 Desember verlede jaar by 'n spesiale geleentheid by Kirstenbosch deur die Wes-Kaapse Departement van Kultuursake en Sport in samewerking met die transformasiekomitee van die Wes-Kaap vereer is. Hier ontvang sy haar spesiale pet van dr Ivan Meyer, Wes-Kaapse minister van sport. Britz is vereer vir haar bydrae tot danssport in die SWD. Legendes in die sportsoorte rugby, netbal, pluimbal, seiljag, danssport en kanovaart is verlede jaar vereer.

Die jaarlikse aankoms van Sinterklaas op Dinsdag, 6 Desember, by die St Luigi Scrosoppi Sorgsentrum in Wolfweg in Bridgton, het weer vanjaar groot aftrek gekry en meer as 'n duisend kinderharte is verbly. Sinterklaas, vergesel van sy getroue helper, Swarte Piet, het vanjaar heel stylvol in 'n pragtige koets aangekom. Dié jaarlikse aankoms van Sinterklaas op sy feesdag, 6 Desember, het al 'n instelling by die St Luigi Scrosoppi Sorgsentrum geword. Die sentrum bied 'n veilige speel- en leerplek vir die kinders van Bridgton. Die sentrum maak staat op donasies om voort te gaan om dié diens aan kinders en jongmense te bied. Een van die opwindende fondsinsamelingsprojekte wat vir 2012 beoog word, is 'n opelug Weense Valentynsbal in Februarie in die sentrum se amfiteater.

Me Sanah Bosch, wat op 5 September 1908 gebore is en nou 103 jaar oud is, was een van die uitsonderlike gaste by die Oudtshoorn Rotariërs se onthaal vir senior burgers Saterdag­oggend in die skoolsaal van die Laerskool Oudtshoorn-Noord. By haar is Mikyla Berry (6) van Oudtshoorn wat aan die gaste baie plesier verskaf het met haar dansvertoning.

'n Vragmotor het verlede Vrydag omstreeks 03:00 in Meiringspoort van die pad geloop nadat die bestuurder klaarblyklik aan die slaap geraak en beheer oor die voertuig verloor het. Hy was alleen in die voertuig en het geen beserings opgedoen nie. Volgens die Oudtshoorn Polisie word geen saak ondersoek nie.

Dié skuur met bale het verlede Donderdagaand wes van die pad na die Kango Grotte uitgebrand. Volgens die Polisie is sowat R700 000 se skade aangerig en word 'n klag van brandstigting ondersoek. Omstanders op die toneel het gesê die bale was mnr Piet Botha Schoeman s'n.

Die Oudtshoorn Besigheidskamer het sy sakeleier en sakepersoonlikheid van die kwartaal verlede Donderdagaand tydens 'n netwerkaand van die kamer by Café Soleil aangewys. Van links is mnr Johan Brooks wat as Die Hoorn se Sakepersoonlikheid van die kwartaal aangewys is, mnr Pieter van Rensburg, prinsipaal van Chas Everitt Oudtshoorn, borg van die aand, me Donalida Beets, dogter van mnr André van Greunen wat as Die Burger se Sakeleier van die kwartaal aangewys is, mnr Francois Ferreira, bekende sjef van die Suid-Kaap wat as gasspreker opgetree het, en mnr Jacobus Maloney, voorsitter van die besigheidskamer.

Dié klein kameelperdbulletjie voor is op 11/11/11 naby Calitzdorp op die wildplaas Besemkop van mnr Skillie Pretorius gebore! Nog ’n kameelperdjie is die vorige dag op die plaas gebore. ’n Uitsonderlike eiendomsontwikkeling, waar kopers eiendom op die wildplaas van 5000 ha kan bekom en toegang tot die wild het, vorm deel van dié uitsonderlike ontwikkeling.

Die bestuur van die Oudtshoorn Besigheidskamer het Dinsdagaand ’n afvaardiging van Alpen aan den Rijn, Oudtshoorn se tweelingstad in Nederland, by Kleinplaas onthaal. Onder die gaste by die onthaal was van links mnr Hans van Arkel, ’n amptenaar van Alphen se munisipaliteit, me Heleen Schrier, ook ’n Alphen-amptenaar, mnr Jacobus Maloney, voorsitter van die Oudtshoorn Besigheidskamer, me Hanny en mnr Koos van Arkel, Alphen-raadslid, en me Hélène Oppatja, ’n lid van die burgemeesterskomitee van Alphen se stadsraad.

Willicia Reed, ’n graad 10-leerder van Bridgton Senior Sekondêr, vertrek eersdaags na die COP 176, beraad oor aardverwarming. Dit vind vanaf 1 Desember tot 5 Desember in Durban plaas. Willicia is gekies as een van 14 leerders uit die Wes-Kaap om dié beraad by te woon. Sy sal ’n Powerpoint-aanbieding doen oor die invloed van aardverwarming op Oudtshoorn en die omgewing. Strategieë om aardverwarming teen te werk sal deel uitmaak van die aanbieding. Van links staan me Charmaine Stalmeester, mnr Gordon April (burgemeester van die Groter Oudtshoorn ) en Willicia.

EINA! ’n Leerlingbestuurder was Dinsdagaand omstreeks 18:29 met ’n vragmotor in ’n botsing betrokke toe hy klaarblyklik vanuit Jan van Riebeeckweg in Pleinstraat ingedraai en vermoedelik beheer oor die voertuig verloor het. Die vragmotor het ’n VW Polo getref en in ’n tuin ingestamp. Volgens sers Gretchen Michaels van die Oudtshoorn Polisie is niemand in die voorval beseer nie. Die Polisie ondersoek geen saak nie.
Foto: Japie Rheeder