Deur Garnett Wicomb

GESKIEDENIS word op Saterdag 21 April 2012 op Dysselsdorp gemaak wanneer die eerste provinsiale rugbywedstryd daar gespeel sal word.

Volgens Andries Jacobs, voorsitter van Rangers Dysselsdorp Rugbyklub, sal die SWD- Arende die Westelike Provinsie mekaar in ‘n Vodacom bekerwedstryd op die Dysselsdorp Sportgronde die stryd aansê. (more…)

Deur Garnett Wicomb

DIE drome van die SWD- krieketspan om vir die eerste keer ‘n trofee in Krieket Suid-Afrika se provinsiale uitdaagreeks te wen is die afgelope naweek deur reën gefnuik.

Die span se laaste driedaagsewedstryd teen die Vrystaat in Bloemfontein het onbeslis geëindig nadat min spel oor die drie dae moontlik was. Die SWD het derde op die punteleer geëindig ná Griekwaland-Wes en Gauteng. (more…)

Deur Garnett Wicomb

TWEE spelers het verlede week arende by die Oudtshoorn Gholfklub aangeteken.

Anton Theunissen het verlede Woensdag ‘n arend op die 14de putjie behaal, terwyl Hendrik Lochner dieselfde Saterdag op die 1ste putjie gedoen het. (more…)

Deur Garnett Wicomb

‘N DRIEKUNS deur die losvoorspeler, Algernon Waarts, het die Bridgton Rugbyklub Saterdag gehelp om sy posisie bo-aan die punteleer van die SWD- Rugbyvoetbalunie te verstewig, toe hy Uniondale United op die Bridgton Sportgronde met 27-9 geklop het.

Die rustydtelling was 13-6. (more…)

Deur Garnett Wicomb

‘N JONG boer van die Karoo is die sterkste man in die Suidelike Halfrond.

Die 26-jarige Frankie Scheün van die plaas Aardoorns naby Rietbron het in Melbourne, Australië die Southern Hemisphere Strongest Man-titel voor die neuse van tien ander deelnemers weggeraap. Die kompetisie het die naweek van 17 en 18 Maart plaasgevind. (more…)

Deur Garnett Wicomb

DIE SWD-krieketraad het nog ‘n welkome finansiële hupstoot van die Nasionale Loteryraad ontvang.

Volgens mnr Albertus Kennedy, hoofuitvoerende beampte van die SWD Krieketraad (SWDKR), het die raad die keer R1,433 miljoen as deel van die loteryraad se 2011/12 toekennings ontvang. (more…)

DIE perderuiter Fanus Cilliers het die naweek sy afdeling in ‘n uithourit oor 80 km by Albertinia met sy Arabierperd Paka in ‘n tyd van 4 uur 37 min gewen. Sy gemiddelde snelheid was 17,3 km/h.

Paka het ook die veeartsprys as bes voorbereide perd ontvang op moeilik rybare terrein van dik en swaar sand. (more…)

Deur Garnett Wicomb

DIE Union Stars Krieketklub van Oudtshoorn het die Premierligabeker van die SWD- krieketraad Saterdag vir die derde jaar agtereenvolgens gewen toe hy Sussex van Mosselbaai in die eindstryd op die Rec maklik met 6 paaltjies geklop het.

Die wedstryd het weens ‘n nat buite-veld later begin en is tot 43 boulbeurte per span ingekort. (more…)

Deur Garnett Wicomb

KONSTRUKSIEWERK vir ‘n onderdakpawiljoen en ander noodsaaklike geriewe op die Bridgton Sportgronde het vandeesweek ‘n aanvang geneem ná die oorhandiging van die terrein verlede Donderdag aan die joint venturekontrakteurs Blignault en Philmano.

“Vandag is ‘n groot dag,” het mnr Gordon April, uitvoerende burgemeester van Oudtshoorn, gesê.

“Hierdie is een van die projekte van die Oudtshoorn munisipaliteit in sy doelwit om die dorp die sportmekka van die Suid-Kaap te maak. Hier gebeur dinge in Oudtshoorn en die mense wat dit nie sien nie moet wakker skrik,” het April gesê. (more…)

Deur Garnett Wicomb

DIE Bridgton Rugbyklub het Saterdag sy puik vertonings van die seisoen voortgesit toe hy sy derde sege in drie wedstryde behaal het deur vir Groot Brakrivier op eie werf in ‘n harde wedstryd in die Premierliga van die SWD Rugby Voetbalunie met 24-15 geklop het.

Bridgton was rustyd met 15-3 voor en het met vier drieë ‘n bonuspunt gekry vir die boonste plek op die punteleer. Martin le Roux, Bridgton se afrigter, sê Warren Malgas, oud-Arende skrumskakel, het ‘n groot verskil gemaak. Malgas was Saterdag weer die groot generaal in die agterlyn en het Groot Brak heeltyd aan die raai gehou. (more…)

Deur Garnett Wicomb

DIE jaarlikse SA Interdistrikte Rolbalkampioenskapstoernooi vir mans vind volgende week, van Maandag 12 tot Vrydag 16 Maart 2012 op Oudtshoorn plaas. Die toernooi vir vroue vind op George plaas.

Volgens die voorsitter van die Oudtshoorn Rolbalklub, Gertjie Bekker, sal 40 spanne, altesaam 160 rolbalspelers, van regoor die land mekaar die stryd aansê en word rolbal uit die boonste rakke verwag.

Twintig bonde met twee spanne elk sal aan die toernooi deelneem. (more…)

DIE 35ste Kango marathon en -halfmarathon wat Saterdag in ideale weersomstandighede plaasgevind het, het ‘n rekordgetal atlete gelok.

Volgens Ao2 Richard Hughes, wedlooporganiseerder, het altesame 1 438 atlete aan die twee wedlope deelgeneem. Hiervan het meer as 900 aan die vol marathon deelgeneem. (more…)

DIE SWD is weer die voorloper op die punteleer in die driedaagse kompetisie van Krieket Suid-Afrika nadat hy Griekwaland-Wes verlede week op die Rec binne twee dae met 10 paaltjies geklop het.

Gurshwin Rabie, wat altesame 11 paaltjies vir 108 lopies geneem het, was die SWD se groot uitblinker met 6/60 in die besoekers se eerste kolfbeurt en 5/48 in die tweede. (more…)

Deur Garnett Wicomb

DIE organiseerders van die 35ste Kango Marathon wat Saterdag plaasvind verwag ‘n rekordaantal atlete.

“Ons het al altesame 1 078 vooraf-inskrywings ontvang wat byna verlede jaar se totale aantal deelnemers van 1110 oorskry,” sê die wedlooporganiseerder, Ao2 Richard Hughes. (more…)

Deur Garnett Wicomb

DIE ligaspan van die Oudtshoorn Gholfklub het Saterdag met ‘n puik vertoning die gedugte span van Fancourt in sy eerste wedstryd van die seisoen in die ligakompetisie van die Suid-Kaap Gholfunie met 9-3 kafgedraf. Oudtshoorn het ná die beurtspelle reeds met 3-1 voorgeloop. Francois Verwey en Riaan Nortje, Clement Rex en Colin Swigelaar, en Howard Ellis en Phil Mooney het hul wedstryde gewen.

Hierna het Rex, Nortje, Verwey, Swigelaar, Bennie van Zyl en die kaptein, Japie Rheeder, ook in die enkelspelle koning gekraai.