Oudtshoorniete word versoek om asb dringend alle lugreëlaars en waar moontlik ook ander implemente wat elektrisiteit gebruik af te skakel. Met die aanskakeling van die dorp se krag gisteraand (Sondag) – nadat Eskom die hele dag aan die kraglyne gewerk het – het ‘n ontploffing in die kragnetwerk plaasgevind wat die hele dorp se kragverbruik tans bedreig. Die dorp moet ten minste 35% van sy kragverbruik vir die res van die dag spaar sodat dringende herstelwerk gedoen kan word. Indien dit nie gebeur nie, kan die dorp dae lank met ‘n ernstige kragprobleem sit. Versprei asb die boodskap!

Deur Liesel le Roux

OUDTSHOORN se uitvoerende burgemeester, mnr Gordon April, is die afgelope week uit verskeie oorde fel gekritiseer. Die plaaslike DA het onder meer ook sy bedanking geëis.

Die Oudtshoorn Burgerlike Beweging (OBB) het dié week April se versuim om te reageer op ’n memorandum wat aan hom oorhandig is na ’n optog in November verlede jaar bestempel “as ’n minagting van die beweging se gematigde en ordelike pogings om versoening, geregtigheid en stabiliteit in die Groter Oudtshoorn te bewerkstellig”. Lees Verder »

Deur Liesel le Roux

’N NUWE tradisie is Sondagaand op Oudtshoorn begin toe die Chinese Nuwejaar ook hier gevier is – kompleet met Chinese lanterns, Chinese kos en ander versierings.

Vieringe om die Jaar van die Draak ook hier te verwelkom is deur die Aviv International Flight Training Academy (Aifa) op Oudtshoorn aangebied vir die groep Chinese leerlingloodse wat hul opleiding op Oudtshoorn ontvang. Lees Verder »

Die 20 finaliste wat deurdring na die eerste ronde van die Swartberg Tienertoneelkompetisie, sal die geleentheid kry om tydens die Absa KKNK ’n dramawerksessie by te woon wat deur twee van 7de Laan se bekendste akteurs aangebied gaan word. Lees Verder »

DAAR is nog net ’n week oor voor vanjaar se Relay for Life (RFL), ’n jaarlikse instelling op Oudtshoorn en ’n belangrike datum in baie mense se dagboek. Vanjaar se RFL waarmee weer eens vir Kansa geld ingesamel gaan word, vind vanaf Saterdag 4 Februarie tot Sondag 5 Februarie by die De Jager Sportstadion op die dorp plaas. Lees Verder »

Deur Carina Fourie

DIE oudste inwoner van Helen Bellinganhof op Oudtshoorn, me Maria Magdalena (Baba) Nortjé, het Maandag 23 Januarie haar 100ste verjaarsdag met ’n heerlike oggendgeselligheid gevier! Lees Verder »

DIE uitvoerende burgemeester van die Groter Oudtshoorn, mnr Gordon April, se versuim om te reageer op die jongste memorandum van die Oudtshoorn Burgerlike Beweging (OBB) word as ’n minagting van die beweging se gematigde en ordelike pogings om versoening, geregtigheid en stabiliteit in die Groter Oudtshoorn te bewerkstellig, beskou.

Mnr Pietie Mooney het namens die OBB gesê die beweging gaan nou op Sondag 19 Februarie vanaf 15:00 ’n vergadering in die saal van die Aurial Kollege in Springbokweg, Bridgton hou om terugvoering aan die publiek te gee en te praat oor die pad vorentoe. Lees Verder »

Deur Liesel le Roux

DIE jongste reeks toetse wat op die sowat 200 volstruisplase in die Klein Karoo-vallei uitgevoer is, het geen teken van die H5N2-virus getoon nie.

Dit is die sewende toetsronde sedert die Avian Influenza H5N2-virus verlede jaar einde Maart op ’n plaas buite Oudtshoorn gevind is en die eerste keer dat geen teken van die virus gevind is nie. Lees Verder »

Deur Garnett Wicomb

’N 81-jarige man van Oudtshoorn is in die Oudtshoorn streekhof skuldig bevind op klagtes van verkragting, poging tot verkragting en onsedelike aanranding.

Die man, wie se naam om die klaagster se onthalwe, van publikasie weerhou word, het die dade in 2002, 2004 en 2009 gepleeg. Die klaagster, wat nou 18 jaar oud is, was 9 jaar oud toe sy vir die eerste keer deur die beskuldigde betas is. Lees Verder »

DIE Suid-Kaap is die afgelope week geruk deur die dood van twee inwoners in trekkerongelukke.

In die een voorval het ’n bekende narkotiseur van Knysna, dr Emile Welgemoed (41), Saterdagmiddag gesterf toe ’n trekker op hom geval het terwyl hy geploeg het. Lees Verder »

Deur Carina Fourie

DIE hittegolf wat die Klein Karoo en die res van die Wes-Kaap die afgelope week in ’n wurggreep beetgehad het, het slegs ’n geringe invloed op die die wingerdbedryf in die streek gehad en ’n baie goeie oesjaar word verwag.

Boplaas, Calitzdorp Wynkelder en De Krans het reeds Maandag begin oes, sowat ’n week vroeër as verlede jaar. Daarteenoor het mnr Jacques Conradie, wynmaker van Karusa, gesê dat oesdatums dieselfde lyk as in 2011, met sekere druiwe wat so vier of vyf dae later gepluk gaan word. Hy sê hulle is van plan om op 24 Januarie met die Pinot Noir te begin. Lees Verder »

MEER as 1000 mense het die Mighty Word Konferensie in Bridgton oor vier aande bygewoon.

“Wat my opgeval het, is die honger van die mense vir ’n aanraking van Jesus,” het evangelis Ranger Grebe gister gesê. “Oud en jonk vir wie ek gevra het wat hulle wil hê en waarvoor ek vir hulle moet bid, het gesê hulle wil ’n aanraking van Jesus hê, nie geld of kos of klere nie.” Lees Verder »

Deur Garnett Wicomb
DIE brand wat ’n herwinningsaanleg op Oudtshoorn Woensdagmiddag in puin gelê en skade van sowat R2 miljoen aangerig het, kon moontlik deur ’n kortsluiting veroorsaak gewees het.

“Ons weet nie wat gebeur het nie. Ek is omstreeks 17:30 huis toe en die brand het tussen 17:45 en 18:00 uitgebreek,” sê mnr Nic van Beeck, eienaar van Retain, Recycle, Re-use CC in Oostelike Weg, in die Oudtshoorn industriële gebied.

Volgens Van Beeck sal hy teen van die einde van die maand meer duidelikheid hê oor of hy met die besigheid sal kan voortgaan.

“Alles sal afhang van die versekering.”

Die slaapkwartiere vir werknemers van die firma, ’n skuur, ’n baalmasjien van R300 000 en ’n groot hoeveelheid voorraad het in die slag gebly.

Van Beeck sê werknemers beweer dat die brand begin het toe die baalmasjien aan die brand geslaan het.

“Die masjien was heeldag in werking en die erge hitte kon wel ’n uitwerking gehad het,” sê Van Beeck.

“ Ons sal egter moet wag om te hoor van Mondi, vervaardigers van die masjien. Intussen doen ons aankope van die publiek soos gewoonlik.”

Personeel van die onderneming was gister saam met Van Beeck steeds besig met opruiming terwyl Eskom besig was om uitgebrande telefoonkabels te vervang.

Volgens kapt Louis Visser, woordvoerder van die polisie, word geen gemene spel vermoed nie en is daar dus geen ondersoeke nie.

“Niemand is beseer nie en die brand het vermoedelik versprei nadat een van die voertuie op die perseel aan die brand geraak het,” sê Visser.

Deur Carina Fourie

VROUE moet versigtig wees as hulle alleen iewers heen ry. Dié waarskuwing kom van me Esté Smit van Oudtshoorn nadat sy op Saterdag 31 Desember ‘n nare ondervinding op die Outeniquapas gehad het.

Smit sê sy was die dag by ‘n veiling van antieke ware op Grootbrakrivier. Na die veiling het sy omstreeks 16:00 haar gekoopte goedere in haar Volkswagen Kombi gelaai en vertrek. Naby Fancourt het sy twee voertuie met ‘n klomp mans binne in haar truspieël opgemerk. Lees Verder »

Deur Carina Fourie

‘N 41-JARIGE polisiebeampte van Oudtshoorn verskyn op 12 Junie in die George Landdroskantoor op ‘n aanklag van dronkbestuur.

Die polisiebeampte is op 4 Januarie op die George-Oudtshoorn-pad in hegtenis geneem, maar nie voor die verkeersbeampte wat hom in hegtenis geneem het, mnr Quinton Williams van Oudtshoorn, glo aangerand is nie. Lees Verder »

Deur Carina Fourie

DIE afgelope week se hittegolf in die Wes-Kaap het ook die Klein Karoo laat kook!

Die warmste dag was Maandag toe die kwik op Oudtshoorn volgens die weerkantoor op George tot 42.4 ºC gestyg het. Dinsdagoggend om 09:00 het dit reeds op 27,9 ºC gestaan. Lees Verder »

THE headquarters of the Infantry School in Oudtshoorn is now known as The Kremlin, but not everybody is happy with this new name.

According to Lt Mmata Raphala, the PRO at the Infantry School, a few historical facts were taken into consideration before renaming the headquarters. Lees Verder »